പരിമിതികളെ മറികടന്ന് ചരിത്രം രചിച്ച് ഭിന്നശേഷിക്കാരുടെ വീൽ ചെയർ ശിങ്കാരിമേളം ചാലിശ്ശേരിക്കും,കപ്പൂരിനും അഭിമാനമായി നിയാസും, രമേഷും

ചാലിശ്ശേരി:തങ്ങളുടെ അംഗ പരിമിതികളെ മറികടന്ന് മനസ്സിന്റെ ഇച്ഛാശക്തിയാൽ ശിങ്കാരിമേളത്തിൽ  ചരിത്രം രചിച്ച് ഭിന്നശേഷിക്കാരുടെ വീൽചെയർ ശിങ്കാരി മേളത്തിന് അരങ്ങേറ്റം കുറിച്ചു.

പാലക്കാട് ജില്ലയിലെ ചെർപ്പുളശ്ശേരി പേങ്ങാട്ടിരിയാണ് വീൽചെയർ ശിങ്കാരി മേളത്തിന്റെ അരങ്ങേറ്റ വേദിയായത്.പാലക്കാട്-തൃശൂർ-മലപ്പുറം ജില്ലകളിൽ നിന്നുമായുള്ള ഭിന്നശേഷിക്കാരുടെ ശിങ്കാരിമേളം ഗ്രൂപ്പ് പൂമ്പാറ്റ ടീം എന്ന പേരിലാണ് അറിയപ്പെടുന്നത്.

തൃശ്ശൂർ പെപ്പിൻ ജോർജ് എന്ന അധ്യാപകന്റെ ശിക്ഷണത്തിലാണ് പൂമ്പാറ്റ ടീം  ശിങ്കാരിമേളം അഭ്യസിച്ചു വരുന്നത്.പെപ്പിൻ ജോർജ്ജും,അപർണയും ആണ്  ഈ ഗ്രൂപ്പിനെ നയിക്കുന്നത്.

ചാലിശ്ശേരി പഞ്ചായത്തിൽ നിന്നും നിയാസ്,കപ്പൂർ പഞ്ചായത്തിൽ നിന്നും രമേഷ് എന്നിവർ ഇരു പഞ്ചായത്തുകൾക്കും അഭിമാനമായി വീൽചെയർ ശിങ്കാരിമേളം ഗ്രൂപ്പിൽ  ചെണ്ടയിൽ താളലയം തീർക്കുന്ന ഭിന്നശേഷിക്കാരാണ്.