മുഖ്യമന്ത്രി പിണറായി വിജയന് വലിയ രോഗലക്ഷണമൊന്നും ഉണ്ടായിരുന്നില്ലെന്നും അദ്ദേഹം കൊവിഡ് പ്രോട്ടോക്കോള് ലംഘിച്ചിട്ടില്ലെന്നും ആരോഗ്യമന്ത്രി കെ കെ ശൈലജ. ചിലര് ആവശ്യമില്ലാതെ വിവാദങ്ങള് സൃഷ്ടിക്കുകയാണ്. കൊവിഡ് പോസിറ്റീവായതോടെ വീട്ടില് തന്നെ തുടരാമെന്ന് മുഖ്യമന്ത്രി പറഞ്ഞതാണ്. എന്നാല് കുറച്ചുകൂടി ശ്രദ്ധിക്കണമെന്ന് ആവശ്യപ്പെട്ടത് പ്രകാരമാണ് ആശുപത്രിയില് ചികിത്സ തേടിയത്, മന്ത്രി പറഞ്ഞു. കൊവിഡ് നെഗറ്റീവായി ആശുപത്രിയില് നിന്ന് ഡിസ്ചാര്ജ് ചെയ്ത ശേഷം മുഖ്യമന്ത്രി വീട്ടില് ക്വാറന്റീനില് തുടരുകയാണ്. അല്ലാതെ പൊതുപരിപാടികളിലൊന്നും പങ്കെടുക്കാനല്ല മുഖ്യമന്ത്രി പോയതെന്നും ശൈലജ പറഞ്ഞു
