കളിക്കുന്നതിനിടെ ധാന്യം സംഭരിക്കുന്ന പത്തായത്തില് കുടുങ്ങി അഞ്ചു കുട്ടികള് ശ്വാസം മുട്ടി മരിച്ചു.
April 24, 2021
ബിക്കാനീര്: കളിക്കുന്നതിനിടെ ധാന്യം സംഭരിക്കുന്ന പത്തായത്തില് കുടുങ്ങി അഞ്ചു കുട്ടികള് ശ്വാസം മുട്ടി മരിച്ചു. ബിക്കാനീറിലെ ഹിമ്മാതാസര് ഗ്രാമത്തിലാണ് ദാരുണസംഭവം.നാലുവയസായ സേവാറാം, രവീന(7), രാധ (5), പൂനം (എട്ട്), മാലി എന്നിവരാണ് മരിച്ചത്
കാലിയായ പത്തായത്തിലേക്ക് ഓരോ കുട്ടികള് വീതം എടുത്തുചാടുകയായിരുന്നു. കുട്ടികള് അകത്ത് കടന്നതോടെ പത്തായത്തിന്റെ വാതില് അടഞ്ഞു. തുടര്ന്ന് ശ്വാസം കിട്ടാതെ പിടഞ്ഞ് മരിക്കുകയായിരുന്നു.
മാതാവ് വീട്ടിലെത്തിയപ്പോള് കുട്ടികളെ കാണാത്തതിനാല് നടത്തിയ തിരച്ചിലിലാണ് പത്തായത്തില് ബോധമില്ലാത്ത നിലയില് ഇവരെ കണ്ടെത്തിയത്. ഉടന് ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല.